ბათუმის კულტურის ცენტრი
  • სასულე ორკესტრი დაარსდა 2007 წლის 28 დეკემბერს.ორკესტრის მთავარი დირიჟორია  ასოცირებული პროფესორი მამუკა ალაფიშვილი, რეპეტიტორი ოთარ  უნდაძესასულე ორკესტრმაჩაატარა მრავალი კონცერტი, მიიღო მონაწილეობა სახელმწიფო, საერო,მემორიალურ და საქალაქო ღონისძიებებში. ზაფხულის განმავლობაში ტარდება გასართობიკონცერტები ტურისტებისათის და დამსვენებელთათვის ბათუმის ქუჩებში და ზღვისპირა პარკშირეპერტუარშია ცნობილი ქართველიდა უცხოელი კომპოზიტორების ნაწარმოებები, ჰიმნები, მარშები.. სასულე ორკესტრიზღვისპირა ქალაქის სახეა, იგი წარმატებით აგრძელებს ტრადიციებს,რომელიც ყოველთვის ამშვენებდა ბათუმს.

  • ბათუმის ქალთა კამერული გუნდი ჩამოყალიბდა 1996 წელს. სამხატვრო ხელმძღვანელი აჭარის ხელოვნების დამსახურებული მოღვაწე, სამუსიკო ხელოვნების დოქტორი ზაირა ვადაჭკორია. დირიჟორი – აჭარის ხელოვნების დამსახურებული მოღვაწე გელა ვადაჭკორია.

    ქალთა კამერული გუნდის რეპერტუარშია როგორც კლასიკოს და ახალგაზრდა ქართველ კომპოზიტორთა, ასევე დასავლეთ ევროპის ავტორთა საგუნდო ნაწარმოებები. დაარსების დღიდან ქალთა კამერული გუნდი გამოირჩევა შესრულების ორიგინალური მანერით და მისი რეპერტუარი მოიცავს ფართო სპექტრის საგუნდო ლიტერატურას. ქალთა კამერული გუნდი ასრულებს ურთულეს პოლიფონიურ, ჰარმონიულ თუ სონორულ კომპოზიციებს. მის შესრულებას ახასიათებს ნატიფი ინტონირება და მდიდარი ტემბრული პალიტრა.

    ქალთა კამერული გუნდისმიზანია თავისი წვლილი შეიტანოს კლასიკური მუსიკის პოპულარიზაციასა და განვითარებაში, როგორც ბათუმის , ასევე მთელი ქვეყნის მასშტაბით; ახალგაზრდა მუსიკოს-შემსრულებლების გამოვლენა და მათთვის ხელისშეწყობა; ქართული პროფესიული მუსიკისა და საშემსრულებლო ხელოვნების უცხოეთში პოპულარიზაცია.ქალთა კამერული გუნდის საშემსრულებლო ოსტატობას მაღალ შეფასებას აძლევენ ქართული საგუნდო მუსიკის საუკეთესო წარმომადგენლები.

    ქალთა კამერული გუნდის შემოქმედებითი ბიოგრაფია

    • 1997 წელი - ქ. ვარნის 24-ე საერთაშორისო საგუნდო კონკურსი. (დიპლომი, მედალი, სერთიფიკატი)
    • 1998 წელი - ქ.ანკარის ( თურქეთი ) 2-ე საერთაშორისო საგუნდო კონკურსი. (დიპლომი, სერტიფიკატი - პოლიფონიური მუსიკის საუკეთესო შესრულებისთვის )
    • 2006 წელი -10 წლის საიუბილეო კონცერტი.
    • 2010 -2011 წ. - 2 სოლო კონცერტი თბილისის ვ. სარაჯიშვილის სახ. სახელმწიფო კონსერვატორიაში.
    • 2012 წელი - V საერთაშორისო ფესტივალი „აღდგომიდან ამაღლებამდე „. (ი.ბარდანაშვილის საავტორო კონცერტი )
    • 2012 წელი - თბილისის ვ სარაჯიშვილის სახ. სახელმწიფო კონსერვატორია. კონცერტი, ცნობილი ქართველი მაესტროს ბ-ნი გივი მუნჯიშვილის 75 - წლის საიუბილეო კონცერტი.
    • 2013 წელი - თბილისის საგუნდო მუსიკის ფესტივალი. ( დიპლომი )
    • 2013 წელი -XXI საუკუნის მუსიკის ბათუმის საერთაშორისო ფესტივალი. ( დიპლომი )
    • 2013 წელი - ლატვის - (რიგა) მსოფლიო საერთაშორისო საგუნდო ფესტივალი. (დიპლომი)
    • 2013 წელი - 4 სოლო კონცერტი ქ. რიგის ( ლატვია ) ცნობილი მეზა-ჯილდას მწვანე დარბაზში.
    • 2014 წელი შემოქმედებითი შეხვედრა კონცერტი ქ.რიგის(ლატვია) კამერული გუნდის „ვიდუსის“ 20–ი წლისთავის საიუბილეო საღამოზე
    • 2014 წელი კონცერტი მიძღვნილი იოსებ კეჭაყმაძის ხსოვნისადმი(თბილისი)
    • 2014 წელი კომპოზიტორ რუსუდან ხორავას შემოქმედებით საღამოზე (თბილისი)
    • 2014 წელი - თბილისის საგუნდო მუსიკის ფესტივალი. ( დიპლომი )
    • 2015 წელი - თბილისის საგუნდო მუსიკის ფესტივალი. ( დიპლომი )
    • 2016 წელი - თბილისის საგუნდო მუსიკის ფესტივალი. ( დიპლომი )

    1996 წლიდან დღემდე მონაწილეობა ქალაქის ყველა მნიშვნელოვან სახელმწიფო, საერო, სასულიერო და სახალხო დღესასწაულებში, ასევე ლექცია-კონცერტების ციკლები მოსწავლეთათვის.

  • ქ.ბათუმის მერიასთან არსებული ქორეოგრაფიული ანსამბლის შექმნის იდეის ავტორი და დამაარსებელი იყო საქართველოს სახალხო არტისტი, ცნობილი ქორეოგრაფი ენვერ ხაბაძე. ანსამბლი იმთავითვე  დაკომპლექტდა პროფესიონალი მოცეკვავეებით. პირველი კონცერტი გაიმართა 1992 წელს. ანსამბლმა იმთავითვე მოიპოვა მაღალი კლასის შემოქმედებითი კოლექტივის სახელი. უმოკლეს პერიოდში იგი გახდა არაერთი პრესტიჟული საერთაშორისო ფესტივალის ლაურეატი. სხვადასხვა დროს კონცერტები გამართეს მსოფლიოს ცნობილ  საკონცერტო დარბაზებში . გასტროლებზე იმყოფებოდნენ საბერძნეთში, შვედეთში, დანიაში, ისრაელში, სირიაში, ბულგარეთში, რუსეთში, სომხეთში, გერმანიაში, ბელგიაში, ესპანეთში, ჩინეთში, იტალიაში,უკრაინაში, თურქეთში, ირანში და სხვა.

    2007 წლიდან ქორეოგრაფიული სახელმწიფო ანსამბლი როგორც დამოუკიდებელი საკონცერტო კოლექტივი წყვეტს არსებობას და მისი უფლებამონაცვლე ხდება ბათუმის ხელოვნებისა და კულტურის ცენტრი. /ამჟამად „ბათუმის კულტურის ცენტრი“/ დიდი ხელოვანის ენვერ ხაბაძის გარდაცვალების შემდეგ ანსამბლის ხელმძღვანელი იყო აჭარის ხელოვნების დამსახურებული მოღვაწე, აჭარის დამსახურებული არტისტი, ღირსების ორდენის კავალერი თეიმურაზ ბოლქვაძე, რომელმაც ღირსეულად გააგრძელა დიდი მაესტროს გაკვალული გზა. 2011 წლიდან დღემდე თეიმურაზ ბოლქვაძე ანსამბლის სამხატვრო ხელმძღვანელია. იმავე წელს მთავარ ქორეოგრაფად მოიწვიეს ქართული ნაციონალური ბალეტის ცნობილი მოცეკვავე, ქორეოგრაფი,  პრესტიჟული საერთაშორისო პროექტების  ავტორი, ღირსების ორდენის კავალერი შალვა გოგუაძე, რომელმაც ახალ სიმაღლეზე აიყვანა ანსამბლის საშემსრულებლო ოსტატობა. თამამად შეიძლება ითქვას, რომ ანსამბლი გამოირჩევა, თვითმყოფადობით, საკუთარი ხელწერით, ბრწყინვალე ქორეოგრაფიით და ცალკეული შემსრულებლის არტისტიზმით, განსაცვიფრებელი ტექნიკით და საცეკვაო ფოლკლორული ხელოვნებისადმი ფაქიზი, თანამედროვე, ახლებური მიდგომით.მოცეკვავე შემსრულებელთა პროფესიონალიზმით, საუცხოო მუსიკალური ბენდით. მის რეპერტუარში სასიამოვნოდ არის შერწყმული ძველი და ახალი საცეკვაო ნიმუშები. ეს არის ანსამბლი, რომელიც ინარჩუნებს ქართულ საცეკვაო ტრადიციებს, ვითარდება და ამდიდრებს ქართულ საცეკვაო კულტურას ახალი ქორეოგრაფიული კომპოზიციებით.

    ანსამბლის  ქორეოგრაფ-რეპეტიტორები არიან ანსამბლის ყოფილი სოლისტები აჭარის დამსახურებული არტისტები ნუგზარ მიქაძე და მირანდა ბაღდადიშვილი, რომელთაც დიდი წვლილი მიუძღვით მის შემოქმედებით განვითარებაში.

    ანსამბლი შემოქმედებითად დატვირთულია და მონაწილეობას ღებულობს ქალაქისა და ქვეყნის მნიშვნელოვან კულტურულ ღონისძიებებში, საქველმოქმედო საღამოებში.

    ენვერ ხაბაძის სახელობის სახელმწიფო ქორეოგრაფიულმა ანსამბლმა გააგრძელა დიდი ხელოვანის მიერ  დამკვიდრებული აკადემიური გზა და თავისი განუმეორებელი ნიშა  დაიკავა მდიდარ ქართულ ქორეოგრაფიულ პალიტრაში.

     

    კონკურსები ფესტივალები

    2010 წელს ბურსაში (თურქეთის რესპუბლიკა) 24 ინტერნაციონალური ფოლკლორული ცეკვების კონკურსზე „ოქროს კარაგოზი“ II საპრიზო ადგილი აიღეს.

    2012 წელს ბათუმის მუსიკალურ ცენტრში, ხოლო 2013 წელს თბილისში რუსთაველის თეატრის სცენაზე ჩატარდა ანსამბლის საიუბილეო კონცერტები.

    2013 წელს საქართველოს კულტურისა და ძეგლთა დაცვის სამინისტროს პროექტის ფარგლებში საქართველოს კულტურის დღეებზე ჩინეთის სახალხო რესპუბლიკაში ანსამბლმა ერთობლივი კონცერტები გამართა ქართული ხალხური სიმღერისა და ცეკვის სახელმწიფო აკადემიური ანსამბლ „რუსთავის“ მომღერალთა ჯგუფთან ერთად.

    2014 წლის დეკემბერში უკრაინის დედაქალაქის დიდ საკონცერტო დარბაზში „პალაც უკრაინა“ ანსამბლმა სპეციალური მოწვევით მონაწილეობა მიიღო ერთობლივ პროექტში ამერიკაში მცხოვრებ მსოფლიოში ცნობილ მუსიკოს ვასილი პაპადიუკსა და მის ორკესტრთან ერთად. ანსამბლის შემოქმედებამ უკრაინელი მაყურებლის დიდი სიყვარული და აღფრთოვანება დაიმსახურა.

    2015 წელს ანსამბლი, როგორც საპატიო სტუმარი, მიიწვიეს პავლე ვირსკის სახელობის უკრაინის ცეკვის სახელმწიფო, აკადემიური დამსახურებული ანსამბლის საიუბილეო საღამოზე. ანსამბლის გამოსვლამ მსოფლიოში ცნობილი ქორეოგრაფების საუკეთესო შეფასებები დაიმსახურა. აღინიშნა მისი განსხვავებული სტილი და საშემსრულებლო ტექნიკა.

    2015 წლის ივლისში ანსამბლმა გამართა კონცერტები ლატვიის ქალაქ იურმალას ცნობილ საკონცერტო დარბაზში „ძინტარი“.

    ამავე წელს ანსამბლი ბრწყინვალედ გამოვიდა საქართველოს ქორეოგრაფიის მოღვაწეთა შემოქმედებითი კავშირის თავმჯდომარის, პროფესორის რეზო (ლაუზ) ჭანიშვილის ვარსკვლავის გახსნაზე.

    2016 წელს ანსამბლმა მონაწილეობა მიიღო რეზო ჭოხონელიძის ხსოვნის საღამოზე.

    2016 წლის ივლისში ანსამბლი დიდი წარმატებით გამოვიდა ლატვიის ხალხური ცეკვის VIII საერთაშორისო ფესტივალზე „სუდმარინა“ და დაიმსახურა მთავარი პრიზი -GRAND PRIX.

    2018 წლის მარტში ანსამბლმა მონაწილეობა მიიღო ქ. აგრიჯენტოს(იტალია) საერთაშორისო ფოლკლორულ ფესტივალში - "73rd Almond Blossom Festival და მთავარი პრიზი - გრან პრი - დაიმსახურა.

    ანსამბლის დამსახურებული მოღვაწეები:

    თეიმურაზ ბოლქვაძე - სამხატვრო ხელმძღვანელი, ღირსების ორდენის კავალერი, აჭარის ხელოვნების დამსახურებული მოღვაწე, საპატიო ბათუმელი.

    შალვა გოგუაძე - მთავრი ქორეოგრაფი, ღირსების ორდენის კავალერი, ბრწყინვალების ორდენის კავალერი;

    ნუგზარ მიქაძე - ქორეოგრაფ-რეპეტიტორი, აჭარის დამსახურებული არტისტი;

    მირანდა ბაღდადიშვილი - ქორეოგრაფ-რეპეტიტორი, აჭარის დამსახურებული არტისტი,

    ენვერ ღოღობერიძე- მუსიკალური ბენდის ხელმძღვანელი, აჭარის კულტურის დამსახურებული მოღვაწე; ბრწყინვალების ორდენის კავალერი; ბათუმის ხელოვნების დამსახურებული მოღვაწე;

    რამაზ სარჯველაძე -აჭარის დამსახურებული არტისტი,

    ედიშერ მჟავია -აჭარის დამსახურებული არტისტი, ღირსების მედლის კავალერი;

    ანზორ კახიძე - აჭარის დამსახურებული არტისტი,

    ქეთევან ბოლქვაძე - აჭარის დამსახურებული არტისტი,

    ამირან მახარაძე - აჭარის დამსახურებული არტისტი;

    რუსლან მახარაძე -აჭარის კულტურის დამსახურებული მუშაკი;

    ედუარდ სამნიძე - აჭარის კულტურის დამსახურებული მუშაკი;

    გურამ  ვარშანიძე - აჭარის კულტურის დამსახურებული მუშაკი; ბათუმის ხელოვნების დამსახურებული მოღვაწე;

    ანსამბლის დაარსების 25 წლის იუბილესთან დაკავშირებით „ დამსახურებული მოღვაწის“ წოდება ქ. ბათუმის მუნიციპალიტეტის მერის 2017 წლის 1 სექტემბრის № 1132 ბრძანებით მიენიჭა –

               შალვა გოგუაძეს

               ნუგზარ მიქაძეს

                რამაზ სარჯველაძეს

               მირანდა ბაღდადიშვილს

               ქეთევან ბოლქვაძეს

               ანზორ კახიძეს

               ელდარ მჟავიას

               დავით გორგილაძეს

               ნინო ტუღუშს

               ხათუნა დევაძეს

               დავით ზაქარაძეს

  • ვოკალური ანსამბლი ჩამოყალიბდა მეცენატის ნარგიზ აბაშიძისა და მაშინდელი აჭარის კულტურის მინისტრის - თეიმურაზ კომახიძის უშუალო მხარდაჭერით. ანსამბლს სათავეში ჩაუდგა გამოცდილი ლოტბარი და დირიჟორი, არაერთი საერთაშორისო კონკურსის დაფერტივალის ლაურეატი, აჭარის ხელოვნების დამსახურებული მოღვაწე დავით აბულაძე, რომლის საქმიანობამ იმთავითვე გამოიღო შედეგი.

    ანსამბლის რეპერტუარშია როგორც თანამედროვე ქართველ კომპოზიტორთა, ასევე მსოფლიოს ხალხთა სიმღერები,საგალობლები, ფოლკლორული ხელოვნების ნიმუშები. ანსამბლი არაერთი საერთაშორისო ფესტივალისა და კონკურსის ლაურეატია.

    ანსამბლის შემოქმედებითი ბიოგრაფია

    • 2002 წელს - დაარსდა.
    • 2003 წელს - მონაწილეობს ბულგარეთში (ქ.ვარნა) საერთაშორისო ფესტივალში (დაჯილდოვებულ იქნა გრან-პრით)
    • 2003 წელს - მონაწილეობს საქართველოში გამართულ (ქ.ხობი) ფოლკლორულ ფესტივალში.
    • 2003 წელს - ანსამბლი მონაწილეობს "პანკისობის" სახალხო დღესასწაულში.
    • 2006 წელს - ანსამბლი შეუერთდა ენვერ ხაბაძის სახელობის ქორეოგრაფიულ ანსამბლს.
    • 2008 წელს - ანსამბლი შევიდა ქ. ბათუმის ხელოვნების და კულტურის ცენტრის სტრუქტურაში დამოუკიდებელ შემოქმედებით კოლექტივად.
    • 2009-2011 წლებში - ანსამბლი მიწვეული იყო ჩრდილოეთ შლესვინგსა და დანიაში ზაფხულის ფესტივალებზე.
    • 2009 წელს - გასტროლები სომხეთში.
    • 2012 წელს -ანსამბლი წარმატებით გამოდის ქ.ბათუმთან დამეგობრებულ უკრაინის ქ.ტერნოპოლში სასულიერო მუსიკის ღია ევროპულ ფესტივალ "მე იქ ვარ,სადაც ღმერთია" დაჯილდოვდა I ადგილით.
    • 2010-2012 წლებში ანსამბლი წარმატებით გამოდის თურქეთში (ბორჩხა, ბურს, სტამბული, ქემალფაშა, თურქეთის მაჭახელა)
    • სხვადასხვა წლებში–დღემდე - აქტიურად მონაწილეობს ქალაქის და რესპუბლიკის კულტურულ ცხოვრებაში.
    • წარმატებით გამოვიდა ბათუმობა–2013 წლის ღონისძიებებზე.

  • კომპოზიტორისა და ჯაზური მუსიკის საუკეთესო შემსრულებლის, აჭარის დამსახურებული არტისტის, პროფესორ ვახტანგ გორდაძის ინიციატივით ბათუმში შეიქმნა ჯაზ–ბიგბენდი, რომელიც 2013 წლიდან „ბათუმის კულტურის ცენტრის“ სტრუქტურაშია. ორკესტრმა სულ მოკლე დროში მოიპოვა პოპოულარობა და მაღალი შეფასება მიიღო როგორც პროფესიონალებისაგან, ასევე მაყურებლისაგან. 2012–2013წლებში მონაწილეობდა ლიანა ისაკაძის საერთაშორისო ფესტივალში "ღამის სერენადები", რაც კიდევ ერთხელ მიუთითებს კოლექტივის მაღალ საშემსრულებლო ოსტატობას.

    ჯაზ ბიგ–ბენდი ბათუმის კულტურის ცენტრის სავიზიტო ბარათია.

  •      თვითმართველი ქ. ბათუმის საკრებულოს თავმჯდომარის 2012 წლის 12 სექტემბრის #02/776 განკარგულებით ქ. ბათუმის ხელოვნების და კულტურის ცენტრის (ამჯამად ქ.ბათუმის კულტურის ცენტრი) სტრუქტურაში შევიდა ქორეოგრაფიული სტუდია. მისი შექმნის მიზანია - ენვერ ხაბაძის სახელობის სახელმწიფო ქორეოგრაფიული ანსამბლისათვის სარეზერვო კადრების მომზადება. სტუდიაში მიიღებიან 15-16 წლის ახალგაზრდები. სტუდიის ხელმძღვანელებია შალვა გოგუაძე და ნუგზარ მიქაძე, რეპეტიტორი - ქეთევან ბოლქვაძე. სტუდიაში 30 ახალგაზრდა ირიცხება. სწავლა უფასოა

     
  • ეთნო-ფოლკლორული როკ-ჯგუფი "ჯეო პლანეტის" დამაარსებელია კომპოზიტორი და მუსიკოსი ედიშერ ლომაძე, რომელიც იმთავითვე პოპულარული გახდა ქვეყნის მაშტაბით გამართული კონკურსებში მონაწილეობით. წარმატებით გამოდიოდა, როგორც საქართველოში გამართულ კონცერტებზე, ასევე საზღვარგარეთ. განსაკუთრებით აღსანიშნავია ჯგუფის საკონცერტო ტურნე გერმანიაში(პოცდამი, ბილეფელდი, ბერლინი) მონაწილეობდა საქველმოქმედო კონცერტებში.

    ჯგუფი დაკომპლექტებულია მაღალი კლასის მუსიკოსებისა და მომღერლებისაგან, რომელთაგან არაერთი ქართული ესტრადის ცნობადი სახეები არიან მაგ. თეო ჩიტიშვილი, ნიკო ბერიძე და გიორგი ბერიძე. ჯგუფის წამყვანი სოლისტი მიხეილ ჭულუხია კი შვეიცარიის მუსიკალური აკადებიის სტუდენტია.

    მიღწეული შემოქმედებითი წარმატებისათვის ჯგუფი ჯეო პლანეტი 2013 წლის თებერვლიდან თვითმართველი ქ.ბათუმის საკრებულოს გადაწყვეტილებით ქ.ბათუმის კულტურის ცენტრის სტრუქტურაშია.

    2011 წელს გამოსცეს ალბომი.

    2017 წლის თებერვალში ანსამბლის სოლისტი ნანუკა გიორგობიანმა მონაწილეობა მიიღო ავროვიზიის შესარჩევ კონკურსში(თბილისი).

  • ხალხური სიმღერის ვაჟთა ვოკალური ანსამბლი შეიქმნა 2014 წლის 1 ივლისს.ანსამბლში 11 მომღერალია. სარეპერტუარო პოლიტიკა განისაზღვრა ავთენტური და ფოლკლორული ნიმუშების მოძიებასა და პოპულარიზაციაში. მონაწილეობს ბათუმში გამართულ კულტურულ–მასობრივ ღონისძიებებში, წარმატებით გამოვიდა ქ. თბილისში ცნობილი მომღერლის და ლოტბარის რამინ მიქაბერიძის საიუბილეო საღამოზე რუსთაველის სახელმწიფო თეატრის სცენაზე.


    ანსამბლის ლოტბარითემურ დოლიძე

    ხელმძღვანელი - მერაბ ბოჭორიშვილი

  • სიმებიანი კვარტეტი შეიქმნა 2015 წლის თებერვალში.


    • ხელმძღვანელიჯამბულ ლორთქიფანიძე
    • კონცერტმაისტერითეიმურაზ შალვაშვილი
    • მუსიკოსებიელისო აბუსერიძე, მარიკა წერეთელი, ნუნუ კილაძე
    • კონსულტანტიგულადი გოგუაძე


    პროგრამაშია მოცარტის, ბახის, პიაცოლას, კაპუას,ბრეგოვიჩის,ცინცაძის, აზარაშვილის ნაწარმოებები.