დღეს ბათუმში საზაფხულო თეატრი გაიხსნა, სადაც კულტურის ცენტრის შემოქმედებითმა გუნდმა საკონცერტო პროგრამა წარადგინა.
ახლადრეაბილიტირებული საზაფხულო თეატრი უკვე მზად არის უმასპინძლოს კულტურულ ღონისძიებებს.
რეაბილიტაციის ფარგლებში განახლდა თეატრის ინტერიერი, განათებისა და გახმოვანების სისტემები, მოწესრიგდა შენობის გარე ფასადი.
დღეიდან ბათუმელები და ქალაქის სტუმრები განახლებულ თეატრში შეძლებენ საინტერესო წარმოდგენებსა და კონცერტებზე დასწრებას.